ஒரு க‌விதை

என்
முதற் காதலியே…
உன்
முதற் பழக்கத்திலேயே
என்னை
முழுமையாகக் கொள்ளையடித்தவளே.
உன்னைப்போல் – ஒவ்வொருத்தியும்
அப்படியே இருக்கமாட்டாளா என்று
முத்தமிட்டுப் பார்க்கின்றேன்!
முடியாமல் இருக்கிறதே
உன்னை
முழுமையாய் மறப்பதற்கு

எத்தனை பழிகள்
எத்தனை பாவங்கள்
சொல்லியும் திருந்தவில்லை
சொல்லாமலும் திருந்தவில்லை
வஞ்சித்தும் பார்த்தேன் – பல
பாவையர் உள்ளங்களை!
மிஞ்சியும்தான் பார்த்தேன் – மேல் நாட்டுப் பாணிகளை!
முடியாமல் இருக்கிறதே
உன்னை
முழுமையாய் மறப்பதற்கு

உன்னால்
எமாற்றம் எனக்கு – அன்று
என்னால்
ஏமாற்றம் பல பெண்களுக்கு – இன்று்று
அத்தனையும் செய்தேன் – உன்னை
மறக்கும் அவசரத்தில்
எல்லாம் உன்னால் தானேயடி
இருந்தும்
என்னை நானே நோவுகின்றேன்
எப்படியிருந்தாலும்
நான் செய்வதும் பாவம்தானே!

வஞ்சனைக் காரனின் மனசு பேசினால்.